РАУС

На вул. Дзмітрыева ў ноч на 12 лютага нехта па-шкодіў люстэркі задняга віду 2 аўтамабіляў. Жыхарка Ліпеня паведаміла аб крадзяжы з двара дома нямецкай аўчаркі. 14 чысла з пад’езда дома ў в/г Верайцы ў бальніцу дастаўлена жыхарка в. Перарожкі, якую траўмаваў нажом сужыцель; праз тры дні па дарозе ў бальніцу ў аўтамабілі хуткай дапамогі памёр 39-гадовы мужчына, які выпаў з акна 4 паверха.

РАСК

Непрацуючы жыхар Свіслачы ў снежні падчас сумеснага распіцця спіртнога выкраў у аднавяскоўца 200 руб., у сту-дзені зняў з раней выкрадзенай банкаўскай карткі ялізаўчанкі 100 руб.

Заведзена крымінальная справа і ў дачыненні да асіпаўчаніна, які ў канцы красавіка ўнёс загадзя ілжывыя звесткі ў сертыфікат аб праходжанні дзяржтэхагляду транспартнага сродку.

Тры справы ўзбужданы па злачынствах у сферы высокіх тэхналогій: 300 долараў ЗША вымагаў невядомы ў гараджаніна праз сацыяльную сетку “ВКонтакте” за нераспаўсюджванне звестак, якія апошні жадаў захаваць у тайне; у асіпаўчанкі праз інтэрнэт з карт-рахунку выкрадзена 60 руб.; неўстаноўленая асоба праз несанкцыянаваны доступ да старонкі ў сацсетцы бабруйчанкі разаслала зарэгістраваным карыстальнікам паведамленні аб прадастаўленні рэквізітаў банкаўскіх плацежных картак.

Жыхар в. Смык 13 чысла захоўваў дома 0,0883 г марыхуаны.

Асіпаўчанка, займаючы пасаду галоўнага бухгалтара прыватнага прадпрыемства, з лістапада 2017 па жнівень 2018 года здзейсніла крадзеж 11122 руб.

ДАI

Папярэджана 159 парушэнняў правілаў дарожнага руху. Да адказнасці прыцягнуты п’яны вадзіцель, 2 — што парушылі правілы абгону, 5 “бяспраўнікаў” і 58 пешаходаў, 31 з якіх выяўлены падчас правядзення прафілактычнай акцыі “Зробім дарогу бяспечнай!”, што працягнецца па 24 лютага. Зарэгістравана 1 ДТЗ.

РАНС

12 чысла ў в. Крамок на пажары загінула пенсіянерка 1932 г.н.

IАЖіРС

Складзены адміністрацыйны пратакол за парушэнне правілаў рыбалоўства і 4 — лесакарыстання.