Супрацоўнікамі АДАІ РАУС з 27 студзеня па 2 лютага папярэджана 13 правапарушэнняў, пакараны 2 “бяспраўнікі” і нецвярозы вадзіцель. Зафіксавана 7 ДТЗ. Раніцай 30 чысла жыхарка райцэнтра, кіруючы «Шэўрале Маціз», на вуліцы Юбілейнай наехала на 16-гадовую дзяўчыну, якая пераходзіла праезную частку па нерэгулюемым пешаходным пераходзе. Пацярпелая шпіталізавана.

Па інфармацыі РАНС, 2 лютага каля 8 гадзін на вул. Дзяржынскага гарэў прыватны дом. Агнём знішчана пральная машына, закураны сцены.

Дэпартаментам аховы да адміністрацыйнай адказнасці прыцягнута 3 асобы, што здзейснілі дробныя крадзяжы.

ІАЖіРС складзены адміністрацыйны пратакол за парушэнне правілаў лесакарыстання; па матэрыялах інспекцыі ўзбуджана крымінальная справа ў дачыненні да асіпаўчаніна, які незаконна здабыў 166 кг рыбы.