Асіповічы: хроніка здарэнняў
З 12 па 18 жніўня супрацоўнікамі АДАІ падчас акцыі “Дзяржтэхагляд” выяўлены 81 парушальнік, з якіх 20 — паўторна на працягу года. Зафіксавана 6 ДТЗ, папярэджана 114 правапарушэнняў, пакараны 4 “бяспраўнікі”, 2 нецвярозыя вадзіцелі, 8 пешаходаў і веласіпедыстаў.
Увага! Па 24 жніўня праводзіцца рэспубліканская прафілактычная акцыя “Маленькі пасажыр — вялікая адказнасць!”, падчас якой асаблівая ўвага надаецца выкананню правілаў перавозкі дзяцей у транспарце. ДАІ нагадвае, што за іх парушэнне ў адпаведнасці з ч.5 арт. 18.14 КаАП на вадзіцеля накладаецца адміністрацыйнае спагнанне ў выглядзе папярэджання або штрафу ў памеры да 4 БВ.
Па інфармацыі РАНС, 12 і 13 жніўня ў райцэнтры на вул. Камуністычнай і Савецкай полымем пашкоджаны лазня і хлеў, у ноч на 19 чысло ў в. Смык гарэла гаспабудова.
Увага! Прафілактычная акцыя «У цэнтры ўвагі — дзеці!» з мэтай прыцягнення ўвагі грамадскасці да праблемы траўматызму і гібелі дзяцей ад пажараў з прычыны пакідання іх без нагляду працягнецца па 10 верасня.
Аддзелам Дэпартамента аховы да адказнасці прыцягнута 9 асоб, якія з’яўляліся ў грамадскіх месцах у нецвярозым стане, 2 і 1 — што здзейснілі дробныя крадзяжы ці хуліганства, 6 — парушылі ПДР, 4 — учынілі іншыя супрацьпраўныя дзеянні.
ІАЖіРС складзена 10 адміністрацыйных пратаколаў па фактах парушэння правілаў лесакарыстання.
