РАУС

З 30 чэрвеня па 6 ліпеня зафіксавана 2 крадзяжы, факты самагонаварэння і нанясення цялесных пашкоджанняў.

Раскрыты крадзеж абсталявання з пляцоўкі для адпачынку на шашы Мінск-Гомель.

5 чысла ў ЦРБ з нажавым раненнем жывата дастаўлены 58-гадовы мужчына, які знаходзіўся ў стане алкагольнага ап’янення. Па папярэдняй інфармацыі, у нанясенні цялеснага пашкоджання падазраваецца пасынак пацярпелага.

6 ліпеня скончыла жыццё самазабойствам 79-гадовая асіпаўчанка. У той жа дзень у рэанімацыйнае аддзяленне райбальніцы патрапіў 50-гадовы вадзіцель, які груба парушыў правілы бяспекі пры ка-рыстанні гаручымі рэчывамі. Пераліваючы бензін у каністру, ён абліў вопратку палівам і закурыў. У выніку — тэрмічны апёк ног, рук і жывата.

РАСК

Узбуджана 7 крымінальных спраў. З іх 5 — у адносінах да асоб, якія карысталіся службовым становішчам для атрымання незаконных даходаў.

З-за крымінальнай ініцыятывы работнікаў найбольшы ўрон панесла ПГУП “Цёплае месца” — 76,5 млн. руб, УКП ЖКГ — 34 млн., ААТ “Асіповіцкі КБА” — 17 млн., райста — 1,7 млн.

ДАI

Спынена 97 парушэнняў правілаў руху, прыцягнута да адказнасці 18 аматараў небяспечна-хуткай язды і 4 п’яныя вадзіцелі. Адбылося 8 ДТЗ.

5 чысла на дарозе Беразіно-Бабруйск матацыкліст не справіўся з кіраваннем і ўпаў.

АУСТ

Складзена 56 адміністрацыйных пратаколаў. Узбуджана крымінальная справа па факце падробкі дакументаў з мэтай працаўладкавання. Выяўлена плантацыя дзікарослых канопляў, на якой знішчана  27 кг забароненай расліны.

Затрымана асоба, якая знаходзілася ў міжнародным вышуку.