Хроніка здарэнняў

Супрацоўнікамі АДАІ РАУС на мінулым тыдні папярэджана 158 правапарушэнняў, пакараны нецвярозы вадзіцель, 8 “бяспраўнікаў”, 2 з якіх паўторна на працягу года, 4 парушальнікі правілаў абгону і 8 — перавозкі дзяцей, 11 пешаходаў і веласіпедыстаў. Зафіксавана 4 ДТЗ.

З 12 па 14 сакавіка, падчас правядзення прафілактычных мерапрыемстваў па папярэ-джанні дарожна-транспартных здарэнняў, звязаных з парушэннямі правіл абгону і выездам на паласу сустрэчнага руху, выяўлена 64 парушальнікі, у тым ліку нецвярозы вадзіцель, 3 аўтааматары без праў і 2, якія не выконвалі правілы абгону.

Як паведамілі ў РАНС, 8 сакавіка гарэў прыватны дом у  зав. Паўднёвым. Агнём знішчаны дах, пашкоджаны перакрыцце, сцены і маёмасць.

13 чысла ў 11.01 у цэнтр аператыўнага кіравання райаддзела па надзвычайных сітуацыях паступіла паведамленне з РАУС аб тым, што ў райпаліклініцы ў ліфце заблакіраваны людзі. На месцы было ўстаноўлена, што там знаходзяцца  2 чалавекі. З дапамогай ручнога інструменту шкляныя дзверы былі адчынены. Пацярпелыя, пенсіянеры, былі перададзены работнікам хуткай дапамогі. Сямейную пару даставілі ў бальні-цу, пасля медагляду мужчына быў шпіталізаваны.

Дэпартаментам аховы да адміністрацыйнай адказнасці прыцягнуты 2 асобы, што здзейснілі дробныя крадзяжы.

ІАЖіРС складзены адміністрацыйны пратакол за парушэнне правіл вывазкі драўніны.

Райінспекцыяй прыродных рэсурсаў і аховы навакольнага асяроддзя з 1 па 15 сакавіка праведзена 8 маніторынгаў тэрыторый горада і раёна, 1 мерапрыемства тэхнічнага характару, 5 абследаванняў, па выніках якіх выяўлена 36 парушэнняў. Выдадзена 1 прадпісанне, 32 пункты рэкамендацый, накіравана 5 інфармацыйных лістоў. За парушэнне іншых патрабаванняў заканадаўства аб абыходжанні з адыходамі складзены 2 пратаколы. Да адміністрацыйнай адказнасці ў выглядзе штрафу на агульную суму 105 базавых велічынь прыцягнуты па адной фізічнай і юрыдычнай асобе.