Асіповічы: хроніка здарэнняў

20 декабря 2016 16:34

РАУС

Выяўлены труп без бачных прыкмет гвалтоўнай смерці. 14 снежня пры правядзенні земляных работ па вул. Чыгуначнай знойдзены артылерыйскі снарад часоў вайны. Раніцай таго ж дня ў бальніцу дастаўлены мужчына, які напярэдадні вызваліўся з месцаў пазбаўлення волі: у ходзе сумеснага распіцця спіртнога яго ўдарыла па галаве цаглінай 31-гадовая судзімая асіпаўчанка, якая раней неаднаразова прыцягвалася да адміністрацыйнай адказнасці.

Увага! Райаддзелам праводзяцца мерапрыемствы “Побыт” па прафілактыцы цяжкіх і асабліва цяжкіх злачынстваў, у тым ліку ў сферы сямейна-бытавых адносін і супраць пажылых грамадзян. Аб фактах недабрабыту можна паведаміць на кругласутачную “гарачую лінію” па тэл. 51-8-90.

РАСК

Узбуджаны тры крымінальныя справы па фактах незаконнага абароту наркатычных сродкаў: у дачыненні да невядомай асобы, што захоўвала 0,1511 г марыхуаны; непрацуючага асіпаўчаніна, у доме якога выяўлена 7,0171 г таго ж сродку; жыхара райцэнтра, які захоўваў пры сабе 0,77 г асабліва небяспечнага наркатычнага рэчыва.

ДАI

Папярэджаны 93 факты парушэння правілаў дарожнага руху, да адказнасці прыцягнуты 35 веласіпедыстаў і пешаходаў, 17 аўтамабілістаў, якія выкарыстоўваюць летнія шыны ў зімовы перыяд. Адбылося 6 ДТЗ з механічнымі пашкоджаннямі.

Увага! Па 23 снежня праходзіць Тыдзень дзіцячай бяспекі, накіраваны на папярэджанне дзіцячага дарожна-транспартнага траўматызму.

АУСТ

14 снежня загарэліся жылы дом і надворныя гаспадарчыя пабудовы па вул. Міра ў райцэнтры. Знішчаны дах дома, пашкоджаны перакрыцці і маёмасць будынкаў.

Увага! Па 30 снежня з мэтай прадухілення пажараў і няшчасных выпадкаў праходзіць рэспубліканская акцыя “Бяспечны Новы год!”.

Дэпартамент аховы

6 чалавек прыцягнуты да адміністрацыйнай адказнасці за парушэнне ПДР, 4 — з’яўленне ў грамадскіх месцах ў нецвярозым выглядзе, 1 — здзяйсненне дробнага крадзяжу, 6 — за іншыя правапарушэнні.