На мінулым тыдні супрацоўнікамі АДАІ РАУС зарэгістравана ДТЗ, папярэджана 198 правапарушэнняў; у тым ліку да адказнасці прыцягнуты дзевяць бяспраўнікаў; два п’яныя за рулём; тры вадзіцелі, якія не прадаставілі перавагу ў руху пешаходу, шэсць, што парушылі правілы перавозкі дзяцей у аўтатранспарце, два — пераезду скрыжаванняў, тры — абгону; 25 пешаходаў і веласіпедыстаў, два з якіх нецвярозыя.

У студзені-сакавіку АДАІ РАУС праведзена 30 рэйдавых мерапрыемстваў, накіраваных на выяўленне і спыненне парушэнняў правілаў прыпынку (стаянкі) на месцах, прызначаных для паркоўкі транспартных сродкаў інвалідаў, падчас якіх спынена 42 падобныя парушэнні. Адказнасць за дадзенае парушэнне прадугледжана ч. 2 арт. 18.18 КаАП Рэспублікі Беларусь і складае дзве базавыя велічыні.