З 31 сакавіка па 6 красавіка супрацоўнікамі АДАІ РАУС папярэджана 135 правапарушэнняў; да адказнасці прыцягнуты ў тым ліку тры бяспраўнікі; 31 пешаход і веласіпедыст, два з якіх былі ў стане алкагольнага ап’янення; тры вадзіцелі, якія не прадаставілі перавагу ў руху пешаходу, шэсць — парушылі правілы перавозкі дзяцей у аўтатранспарце, чатыры — абгону, два — рухаліся на забараняючы сігнал святлафора. Зарэгістравана пяць ДТЗ.

Увага! З 8 па 13 красавіка АДАІ праводзіць прафілактычнае мерапрыемства, накіраванае на павышэнне бяспекі дарожнага руху, прадухіленне і зніжэнне цяжару наступстваў ДТЗ з удзелам аўтамабіляў-таксі, а таксама прафілактыку парушэнняў вадзіцелямі такога транспарту.

Аддзелам Дэпартамента аховы выяўлены пяць чалавек, якія парушылі ПДР, па адным — што здзейсніў дробнае хуліганства ці з’яўляўся ў нецвярозым стане ў грамадскім месцы.

РАНС падчас снегападаў, завей і парывістага ветру рэкамендуе пры перамяшчэнні на аўтамабілі трымаць дыстанцыю, не перавышаць хуткасны рэжым; быць уважлівымі, праходзячы міма будынкаў, на дахах якіх вялікая колькасць снегу; пры моцным ветры пазбягаць слабаўмацаваных канструкцый, дрэў, рэкламных шчытоў і хісткіх будынкаў; абмежаваць выхад на вуліцу малалетніх дзяцей без суправаджэння дарослых; пажылым і хворым людзям не выходзіць на прагулку ў адзіночку. Акрамя таго, неабходна выконваць правілы пажарнай бяспекі пры эксплуатацыі пячнога ацяплення, не карыстацца электранагравальнымі прыборамі самаробнай вытворчасці.

ІАЖіРС складзены два адміністрацыйныя пратаколы за парушэнне правіл лесакарыстання.