— Сусед па лесвічнай пляцоўцы перыядычна паводзіць сябе вельмі дзіўна: можа праследаваць у пад’ездзе, беспадстаўна крычаць, бегаць па двары, стукаць у дзверы. Што рабіць?

Уладзіслаў К.

Участковы інспектар Вадзім Казусёнак:

— Варта звярнуцца ў РАУС ці да ўчастковага інспектара міліцыі, тады ў дачыненні да вашага суседа будзе пачаты адміністрацыйны працэс па артыкуле 19.1 КаАП “Дробнае хуліганства”, у рамках якога таксама магчыма псіхіятрычная экспертыза ў мэтах устанаўлення захворванняў. У выпадку наяўнасці свядомасці ў гэтага грамадзяніна на яго будзе складзены адміністрацыйны пратакол, калі ж суседа прызнаюць псіхічна нездаровым, ён будзе накіраваны на прымусовае лячэнне.