Супрацоўнікамі АДАІ РАУС з 28 кастрычніка па 3 лістапада папярэджана 198 правапарушэнняў. Адміністрацыйную адказнасць панеслі тры бяспраўнікі; шэсць парушальнікаў правіл перавозкі дзяцей у аўтатранспарце і па адным — пераезду чыгункі і абгону; вадзіцель, які не прадаставіў перавагу ў руху пешаходу, два — рухаліся на транспартным сродку на забараняючы сігнал святлафора; 37 пешаходаў і веласіпедыстаў, з якіх тры нецвярозыя. Зарэгістравана чатыры ДТЗ.

Аддзелам Дэпартамента аховы выяўлена па асобе, што з’яўлялася ў нецвярозым стане ў грамадскім месцы, здзейсніла дробныя хуліганства ці крадзеж.

РАНС нагадвае: зараджайце гаджаты (мабільныя тэлефоны, планшэты і г.д.) у дзённы час і пад наглядам. Калі тэлефон зарадзіцца, не забудзьцеся адключыць і прыбраць з разеткі зарадную прыладу. Абавязкова выкарыстоўвайце толькі якасныя арыгінальныя зарадныя прылады, сачыце за зносам акумулятарных батарэй.

ІАЖіРС складзены чатыры адміністрацыйныя пратаколы па фактах захоўвання забароненых прылад рыбалоўства, адзін — парушэння правіл палявання.