Праезд цягніком — адзін з самых бяспечных спосабаў перамяшчэння, аднак і тут людзей могуць чакаць непрыемныя сюрпрызы. Напрыклад, прапажа багажу або крадзеж асабістай маёмасці.

Каб падобных сітуацый было як мага меней, работнікамі Асіповіцкага АУСТ і станцыі Асіповічы перыядычна праводзяцца прафілактычныя мерапрыемствы. Так, напрыканцы мінулага тыдня на тэрыторыі чыгуначнага вакзала прайшла акцыя “Гадзіна пасажыра”, падчас якой з людзьмі праводзіліся прафілактычныя гутаркі аб правілах паводзін і мерах бяспекі на аб’ектах чыгуначнага транспарту, даводзіліся да ведама патрабаванні да правозу багажу і парадку дагляду грамадзян, скарыстоўвалася гучная сувязь і г.д.

— Неабходна памятаць аб тым, што наўмысныя дзеянні, якія парушаюць грамадскі парадак, нясуць за сабой адміністрацыйную адказнасць, — падкрэслівае намеснік начальніка АУСТ па ідэалагічнай рабоце і кадравым забеспячэнні, падпалкоўнік міліцыі Таццяна Роўбель. — Так, за праход па чыгуначных пуцях або знаходжанне на іх ва неўстаноўленым месцы прадугледжаны штраф ад 0,2 да 2 базавых велічынь, за курэнне тытунёвых вырабаў у забароненых месцах — да 4. З мэтай папярэджання такіх сітуацый на чыгуначным вакзале і ў цягніках рэгіянальных ліній эканом-класа супрацоўнікамі патрульна-паставой службы і нарадамі суправаджэння на пастаяннай аснове праводзяцца прафілактычныя мерапрыемствы.

Наш АУСТ штогод шляхам ананімнага анкетавання даведваецца аб меркаванні грамадзян наконт выконваемай супрацоўнікамі работы, і ў цэлым насельніцтва станоўча ацэньвае работу аддзела.

Аналіз атрыманых вы-нікаў дазваляе карэктаваць паўсядзённую дзейнасць з улікам паступіўшых прапаноў. Сёлета на ўчастках Жлобін-Мінск і Асіповічы-Магілёў у 649 цягніках рэ-гіянальных ліній эканом-класа было выяўлена 52 парушальнікі, затрымана асоба, якая знаходзілася ў вышуку. Узбуджана крымінальная справа за незаконны абарот зброі. На станцыі Асіповічы ў зоне патрулявання нарадаў міліцыі што-дня вядзецца прафілактычная работа на прадмет выяўлення і спынення фактаў распіцця алкагольных напояў і піва — за верасень-лістапад па гэтай справе на ўчастку абслугоўвання да адміністрацыйнай адказнасці было прыцягнута 83 правапарушальнікі. I работа па ўзгаданых і іншых накірунках працягваецца.