Менавіта так можна ахарактарызаваць сустрэчу інфармацыйна-прапагандысцкай групы пад началам старшыні райвыканкама Пятра Шукаловіча з калектывам ДУКВП “Водаканал” у рамках лютаўскага адзінага дня інфармавання насельніцтва. Удзел у размове з працаўнікамі прыняў таксама начальнік ДАІ УУС Магілёўскага аблвыканкама Міхаіл Неўмяржыцкі. Кіраўнік абласной Дзяржаўтаінспекцыі першым і ўзяў слова: шчыра падзякаваў лепшай дружынніцы прадпрыемства Святлане Быстровай за актыўную работу і ўручыў лабаранту хіманаліза заслужаную ўзнагароду.

Начальнік ДАІ РАУС Дзмітрый Юркавец прывёў нямала лічбаў-фактаў, якія тычацца дарожна-транспартных здарэнняў, іх сумных вынікаў і прычын. За апошняе 10-годдзе ў Беларусі колькасць аўтамотатранспарту вырасла амаль у паўтара раза — з 2,7 да 3,9 адзінак, узровень аўтамабілізацыі ў нас (371 машына на тысячу жыхароў) вышэй, чым на Украіне (202), у Расіі і Літве (317). Гэта добра, але па-ранейшаму хапае ДТЗ, якія з’яўляюцца адной з асноўных прычын траўматызму, прыносяць значныя эканамічныя страты. Хаця апошні час у краіне і назіраецца станоўчая дынаміка асноўных паказчыкаў аварыйнасці

Потым аб рабоце на даверанай тэрыторыі расказаў участковы інспектар РАУС Валянцін Цыбліенка, а напрыканцы на шэраг пытанняў адказаў кіраўнік мясцовай улады. Ён спыніўся не толькі на пэўных дасягненнях, а і не абмінуў праблемныя моманты, якіх таксама дастаткова.

Нацэльваючы калектыў “Водаканала” на больш эфектыўную дзейнасць непасрэдна ў тых накірунках, якімі займаюцца камунальнікі, Пётр Яфімавіч засяродзіў увагу на многім. У прыватнасці, на не толькі належным выкананні графіку запланаваных работ на аб’ектах і асваенні выдзеленых на гэтае сродкаў, а і неабходнасці добрай якасці выконваемага, падрыхтоўкі праз мясцовы каледж запатрабаваных спецыялістаў розных будаўнічых спецыяльнасцей і г.д.

***

Сустрэліся ІПГ у чацвер і з шэрагам іншых працоўных калектываў. Напрыклад, намеснік старшыні райвыканкама Аляксандр Дрозд у ДРБУ-199 падкрэсліў, што на нядаўнім пашыраным пасяджэнні калегіі Мінтранса вырашана ўнесці змяненні ў Дзяржпраграму па развіцці і ўтрыманні аўтамабільных дарог у Беларусі на 2015-2019 гады ў частцы паскоранага аднаўлення сеткі мясцовых аўтадарог.

Начальнік РАУС Віктар Архіпенка праінфармаваў прысутных аб крымінагеннай абстаноўцы і сітуацыі, якая склалася ў сферы бяспекі дарожнага руху: летась на тэрыторыі Асіповіччыны зарэгістравана 24 (2015 г. — 35) ДТЗ, у якіх загінулі 6 (10) чалавек; а старшы ўчастковы інспектар Аляксандр Грышановіч спыніўся на праводзімай рабоце па падтрыманні правапарадку на адміністрацыйным участку Чыгуначны, дзе і размяшчаецца будупраўленне. Пасля адказаў на пытанні начальнік міліцыі падзякаваў за плённае супрацоўніцтва кіраўніку добраахвотнай дружыны філіяла дарожнікаў Міхаілу Новіку.