Крэдыты ўжо
даўно сталі неад’емнай часткай сучаснага жыцця нашага грамадства. У
прадастаўленні крэдытных сродкаў зацікаўлены ўстановы, для якіх такая дзейнасць
з’яўляецца крыніцай прыбытку. Аднак актывізаваліся выпадкі так званага “выманьвання”
крэдыту альбо субсідый падманам.

Асноўны спосаб,
які выкарыстоўваюць злачынцы, — прадстаўленне ў банкі альбо ў органы, якія
выдаюць субсідыі, дакументаў, якія ўтрымліваюць заведама недакладныя звесткі,
маючыя істотнае значэнне для атрымання грашовых сродкаў. Адказнасць за
выманьванне крэдыту альбо субсідыі прадугледжана арт. 237 Крымінальнага кодэксу
краіны. Максімальная санкцыя — пазбаўленне волі на тэрмін да 5 гадоў.

З пытаннямі
парушэння дзеючага заканадаўства ў сферы фінансава-эканамічных адносін,
падаткаабкладання, прадпрымальніцтва і г.д., якія ўваходзяць у кампетэнцыю
органаў фінансавых расследаванняў, вы можаце звяртацца ў Асіповіцкі
міжрайаддзел упраўлення Дэпартамента фінансавых расследаванняў КДК Рэспублікі
Беларусь па Магілёўскай вобласці (тэлефоны даверу — 26-6-29, 26-9-88) альбо ў
ходзе асабістага прыёму (вул. Кірава, 6).

Валерый
КАЗЯНКОЎ,

начальнік міжрайаддзела.