— Мы, ялізаўчане, займаем першыя месцы, бо дапамагаем
адно аднаму: жыхары — дружыне, дружына — міліцыі, мі-ліцыя — пасялковаму
Савету. I наадварот. Такая вось кругавая парука, — кажа ўчастковы інспектар
ААПП Асіповіцкага РАУС, капітан міліцыі Алег Лук’яненка. Ужо больш за год ён
знаходзіцца на гэтай паса-дзе і разам з памочнікамі сочыць за парадкам на
пад-уладнай тэрыторыі.

Па выніках 2009 года добраахвотная дружына пасёлка
Ялізава прызнана лепшай у групе арганізацый, што ўдзельнічаюць у ахове
правапарадку ў сельскай мясцовасці. На сённяшні момант у яе спісе 16 чалавек —
пераважна працаўнікі СЗАТ “Шклозавод Ялізава”, а таксама лясгаса і бальніцы.
Участковы інспектар разам з новым камандзірам дружыны Віталем Шуманскім
плануюць у 2010 годзе пашырыць калектыў да 20-25 чалавек — за лік ДУКВП
“Водаканал” і ДУКВП “Райсервіс”. У якасці заахвочвання дружыннікаў і
стымулявання актыўнай дзейнасці прапа-ноўваюцца 3 дадатковыя дні да водпуску.

Галоўнае дасягненне за 2009 год, па словах Алега
Мікалаевіча, — адчувальнае зніжэнне працэнта злачыннасці ў Ялізаве. Летась тут
было зафіксавана 25 злачынстваў, прычым 14 з іх паспяхова выкрыта. Пераважна —
гэта крадзяжы прыватнай уласнасці, дзяржаўнай наогул не было. Адміністрацыйных
пратаколаў за год складзена 89.

Дзякуючы таму, што члены ДД дзяжураць на дыскатэках у
мясцовым Доме культуры, адсутнічаюць прэцэдэнты крымінальнага характару,
паменела выпадкаў дробнага хуліганства.

— Нашы дружыннікі такія людзі, якія ніколі не
падвядуць, — адзначае Алег Лук’яненка. — Калі патрэбны паняты ці сведка, то
заўсёды звяртаюся да іх. А галоўнае, самі ялізаўчане кажуць, што апошнім часам
у пасёлку стала значна спакайней.

Падрыхтавала Ганна МАЦКЕВІЧ.