РАУС

У перыяд з 21 па 27 лістапада зарэгістравана
крадзяжоў — 3, фактаў самагонаварэння — 2, захавання наркотыкаў — 1. Раскрыта 2
раней здзейсненыя злачынствы, узбу-джана 10 крымінальных спраў.

Скончыла жыццё самагубствам 23-гадовая жанчына,
якая пражывала ў п. Татарка.

Раніцай 21 чысла з п. Ялізава ў невядомым
накірунку сышоў 23-гадовы мясцовы жыхар. Пры сабе хлопец меў пэўную суму
грошай, пашпарт і мабільны тэлефон, аднак на працягу дня ён быў адключаны.

Ноччу 22 лістапада знікшы ялізаўчанін, які тым
часам знайшоў прытулак у асіповіцкай гарадской гасці-ніцы, паспрабаваў украсці
ў аднаго з пастаяльцаў два мабільныя тэлефоны агульным коштам 600 тыс. руб.,
але быў затрыманы.

ДАI

Спынена 165 парушэнняў правілаў руху, прыцягнуты
да адказнасці 4 п’яныя вадзіцелі, 42 парушальнікі хуткаснага рэжыму і 49
пешаходаў, якія не мелі на адзенні святлоадбіваючых элементаў. Адбылося 12 ДТЗ.

Раніцай 25 чысла на перакрыжаванні вул. Сумчанкі
і 60 гадоў Кастрычніка аўтамабіль «Рэно-Меган” наехаў на 61-гадовую жанчыну,
якая рушыла па пешаходным пераходзе ў бок райпаліклінікі.

Нягледзячы на невысокую хуткасць пры сутыкненні,
пацярпелая атрымала сур’ёзныя цялесныя па-шкоджанні, у ліку якіх траўмы галавы,
страсенне мазгоў і пералом рукі.

Вечарам таго ж дня «БМВ” з бабруйскімі нумарамі
збіла вучня 11 класа Лапіцкай САШ, які перабягаў праезную частку шашы
Мінск-Гомель на чыгуначным пераездзе каля п. Сасновы. Ад атрыманых траўм
16-гадовы падлетак памёр на месцы.

АУСТ

22 чысла знявечаны труп мужчыны, які ляжаў на
рэйках, быў заўважаны машыністам цягніка на адным з перагонаў у зоне адказнасці
АУСТ і ўзброенай аховы на станцыі Асіповічы. Асобу нябожчыка ўдалося вызначыць
падчас праверкі адбіткаў пальцаў, а вось дакладная прычына і месца яго
забойства пакуль не ўстаноўлены.

Дэпартамент аховы

Спынена дробных крадзяжоў — 5, выпадкаў распіцця
алкаголю ў грамадскіх месцах — 3, хулі-ганства — 1.

Медвыцвярэзнік

Аказана дапамога 18 мужчынам і 2 жанчынам. У
ліку пацыентаў установы былі і 2 транзітныя пасажыры, знятыя з цягнікоў на
чыгуначнай станцыі Асіповічы.

IАЖіРС

Выяўлена 4 парушэнні правілаў лесакарыстання, у
тым ліку незаконная высечка 5,7м3 драўніны. Канфіскавана 250 м рыбалоўных сетак
і 10 кг незаконна здабытай рыбы.