РАУС

У перыяд з 4 па 10 ліпеня выяўлена крадзяжоў —
5, выпадкаў нанясення цялесных па-шкоджанняў — 3, фактаў захавання наркатычных
рэчываў і хуліганства — па 1.

Скончыў жыццё самагубствам 50-гадовы непрацуючы
асіпаўчанін.

У ноч з 4 на 5 чысло невядомая асоба здзейсніла
крадзеж  дзённай выручкі і прадуктаў
харчавання з кафэ «Закусочная” Асіповіцкага райста.

7 ліпеня ўзбуджана крымінальная справа па факце
крадзяжу грошай у суме 98 тыс. руб. з памяшкання Градзянскага сель-скага
Савета.

9 чысла ў ЦРБ былі дастаўлены тры мужчыны з
цялеснымі пашкоджаннямі рознай ступені цяжкасці, атрыманымі ў бойках.

Для непрацуючага асіпаўчаніна «разборка” з
рабочым УКП ЖКГ скончылася закрытым пераломам рукі, а для яшчэ аднаго жыхара
райцэнтра і мінчаніна, што на добрым падпітку шукалі прыгод у вёсцы Пагарэлае,
сустрэча з невядомымі мясцовымі жыхарамі запомніцца адпаведна чэрапна-мазгавой
траўмай і складаным пераломам нагі.

У чахле для мабільнага тэлефона выпадковым
прахожым знойдзена 10 баявых патронаў.

ТэрмIнова ў нумар: 11 ліпеня каля 14.00 у вёсцы
Дварок быў за-трыманы збегшы напрыканцы чэрвеня з ізалятара часовага ўтрымання
Дзмітрый Шаржановіч.

ДАI

Спынена 162 парушэнні правілаў руху, прыцягнуты
да адказнасці 5 п’яных вадзіцеляў і 87 «ліхачоў”. Адбылося 11 ДТЗ.

9 чысла на 116 км шашы Мінск-Гомель
вадзіцель аўтамабіля «Фольксваген-Пасат» разгубіўся ў складанай
дарожнай сітуацыі, страціў кантроль над машынай, тая з’ехала ў кювет і некалькі
разоў перакулілася. Наступства аварыі — нанясенне цяжкіх цялесных па-шкоджаняў
пасажырцы, жонцы вадзіцеля.

АУСТ

Затрыманы злачынца, на якога быў аб’яўлены
вышук, канфіскавана 40,5 л
алкагольных напояў і 1 самагонны апарат.

У зоне адказнасці АУСТ і стралкова-пажарнай каманды
на станцыі Асіповічы адбыўся няшчасны выпадак. Недалёка ад пасёлка Татарка ў
ноч з 10 на 11 ліпеня грузавым цягніком была траўміравана 53-гадовая жанчына.

Дэпартамент аховы

Спынена 5 выпадкаў распіцця алкагольных напояў у
месцах грамадскага карыстання, 3 іншыя правапарушэнні. Затрыманы непаўналетні,
які абвінавачваецца ў спробе групавога крадзяжу.

Медвыцвярэзнік

Аказана дапамога 18 мужчынам і 3 жанчынам.

РАНС

У ноч з 8 на 9 ліпеня па невядомай пакуль
прычыне пачаўся пажар у кухні шматпавярховага жылога дома па вуліцы
Дзмітрыева. 

IАЖіРС

Прыцягнуты да адказнасці 3 парушальнікі правілаў
вывазу і нарыхтоўкі лесу, знойдзена 5 кінутых невядомымі асобамі прыстасаванняў
для браканьерскай здабычы рыбы.