РАУС

У перыяд з 1 па 9 мая ўзбуджана 4 крымінальныя
справы, выяўлена 4 крадзяжы і 2 выпадкі цялесных пашкоджанняў.

У ноч з 8 на 9 мая 23-га-довы жыхар в. Карытнае,
які знаходзіўся ў стане моцнага алкагольнага ап’янення, упаў з ганка каля
мясцовага Дома культуры. Наступствам падзення сталі адрыў вуха ад чэрапа,
рассячэнне мышцаў твару і іншыя пашкоджанні галавы.

ДАI

Спынена 126 парушэнняў правілаў дарожнага руху.
Прыцягнута да адказнасці 13 вадзіцеляў за язду ў стане алкагольнага ап’янення,
45 — за парушэнне хуткаснага рэжыму. Адбылося 22 ДТЗ.

3 чысла на 86 км шашы Мінск-Гомель амаль адначасова
адбылося 5 сутыкненняў, у якіх былі “задзейнічаны” 15 аўтамабіляў.

У ходзе спецмерапрыемстваў па прафілактыцы ДТЗ з
удзелам вадзіцеляў двухколавых транспартных сродкаў выяўлена 10 парушэнняў
правілаў руху.

АУСТ

Затрымана 55 правапарушальнікаў, у ходзе
спец-аперацыі “Арсенал” канфіскавана 2 ручныя гранаты-“лімонкі”, узбуджана 2
крымінальныя справы.

РАНС

7 чысла ў пажары, узнікшым з-за неасцярожнасці
гаспадара, былі знішчаны жылы дом і гаспадарчая пабудова ў в. Чучча.

У ноч з 9 на 10 мая ў горадзе загарэлася кватэра
дома на вул. Вакзальнай.

Праз некалькі гадзін у в. Дубавое агонь знішчыў
гаспадарчую пабудову на адной з сядзіб. Папярэдняя прычына пажару — падпал.