РАУС

На працягу мінулага тыдня ўзбуджана 18
крымінальных спраў. Адбылося 15 супрацьпраўных учынкаў. З іх: крадзяжы — 9,
самагонаварэнне —3, выраб наркотыкаў, нанясенне лёгкіх цялесных пашкоджанняў,
наўмыснае пашкоджанне аўтамабіля — па аднаму. Выяўлена 2 трупы, у тым ліку —
тапелец.

8 чэрвеня на 135 кіламетры аўтадарогі
Бабруйск-Беразіно ў лясным масіве быў затрыманы рабочы аднаго з асіповіцкіх
прадпрыемстваў, які захоўваў там 800 літраў спіртаўтрымліваючай вадкасці.

ДАI

Спынена 155 парушэнняў правілаў дарожнага руху.
Прыцягнуты да адказнасці 9 п’яных вадзі-целяў, 83 парушальнікі хуткаснага
рэжыму. Адбылося 17 ДТЗ.

Працягваецца аперацыя “Чыстае паветра”.

АУСТ

Атрымана 41 паведамленне аб супраць-праўных
дзеяннях. Зні-шчана 25 кілаграмаў пасеваў каноплі. Затрыманы 48 парушальнікаў,
9 чалавек накіравана ў медвыцвярэзнік. Суправоджана 98 цягнікоў, складзена 6
адміністрацыйных пратаколаў за распіццё ў вагонах алкагольных напояў.

Дэпартамент аховы

Спынена 15 правапарушэнняў. З іх: крадзяжы і
хуліганствы — па 2, распіццё спіртных напояў і з’яўленне ў нецвярозым стане ў
грамадскіх месцах — 9, самагонаварэнне — 2.

Раскрыта адно злачынства, якое адбылося месяц
назад на чыгуначным прыпынку пас. Савецкі, дзе невядомы напаў на жанчыну. Гэта
51-гадовы мужчына, у адносінах да яго ўзбуджана крымінальная справа.

Ахоўваецца аб’ектаў — 190, кватэр і іншых
памяшканняў з асабістай маёмасцю — 533. Устаноўлена кнопак трывожнай
сігналізацыі — 247.

Медвыцвярэзнік

З вуліц горада дастаўлена 24 чалавекі, якім
спатрэбілася дапамога гэтай установы.

РАНС

6 чэрвеня ў в. Вуглата адбыўся пажар, у выніку
якога пашкоджана маёмасць і ўнутранае аздабленне жылых пакояў.

IАЖіРС

Складзена 5 адміністрацыйных пратаколаў: па 2 —
на парушальнікаў лесакарыстання і рыбалоўства, 1 — на зламысніка, які хацеў
скрасці маёмасць юрыдычнай асобы. Адабрана рыбалоўная сетка, 3 кілаграмы рачной
і больш кілаграма сажалкавай рыбы, выяўлена 58 м³ незаконна нарыхтаванай
драўніны.