Па выніках работы за 2011 год Асіповіцкі АУСТ
быў прызнаны лепшым падраздзяленнем транспартнай міліцыі ў Беларусі. Прыемна,
што правы нашых пасажыраў ды работнікаў чыгункі абараняе сапраўды моцная каманда
прафесіяналаў. I,
адначасова, цікава, якімі параметрамі вызначаецца эфектыўнасць яе дзейнасці.

Статыстыка

За мінулы год у зоне аператыўнага абслугоўвання
АУСТ колькасць злачынстваў зменшылася з 75 
(2010 г.) да 72, выкрываемасць жа па расследаваных крымінальных справах
узрасла з 70,8 да 77,8%. Скарацілася колькасць выпадкаў хуліганства (7-4),
злачынстваў з удзелам непаўналетніх (3-1) і здзейсненых у цягніках (23-12).
Стабільна падтрымліваецца грамадскі парадак на аб’ектах чыгуначнага транспарту,
паспяхова вядзецца барацьба з незаконным абарачэннем спір-таўтрымліваючай
прадукцыі.

Персаналіі

Моцным бокам АУСТ з’яўляецца ўзровень службовай
дысцыпліны: летась у калектыве, дзе налічваецца 80 чалавек, было адзначана
толькі 6 выпадкаў неналежнага выканання сваіх абавязкаў.

Сёння сярод супрацоўнікаў 37,2% мае
кваліфікацыйную катэгорыю “спецыяліст 3-га класа” і “спецыяліст 2-га класа” —
адзін з лепшых паказчыкаў па ўзроўні прафесіянальнай падрыхтоўкі сярод
аналагічных права-ахоўных структур.

На працягу года 3 міліцыянеры-транспартнікі былі
ўзнагароджаны медалямі “За бездакорную службу”, столькі ж атрымалі нагрудны
знак “Выдатнік міліцыі”, яшчэ 8 — Ганаровыя граматы і Падзячныя лісты
вышэйстаячага кіраўніцтва.

Двое афіцэраў — начальнік аддзялення
крымінальнага вышуку Аляксандр Аліферовіч і старшы інспектар інспекцыі па
справах непаўналетніх Юрый Ткачук — па выніках работы прызнаны лепшымі
спецыялістамі Упраўлення ўнутраных спраў на транспарце. Або-два праяўляюць у
сваёй паўсядзённай рабоце дастойную павагі энергічнасць, даюць прыклад калегам
і падначаленым у крэатыўным падыходзе да вырашэння ўсіх пастаўленых задач.

Карпаратыўны дух

Міліцыянеры-транспартнікі не хаваюць, што яго
галоўным носьбітам з’яўляецца начальнік АУСТ — палкоўнік міліцыі Уладзімір
Мамсікаў. Менавіта дзякуючы яго разуменню важнасці блізкіх адносін паміж
супрацоўнікамі і прыдзірліваму адбору маладых міліцыянераў па чалавечых якасцях,
паступова сфарміраваўся дружны і заўсёды маючы баявы настрой калектыў аддзела.

Умацаванню ў чымсьці сямейнай атмасферы
дапамагае рэгулярнае правя-дзенне разнастайных сумесных мерапрыемстваў — як
афіцыйных, так і забаўляльных, на якіх няма начальнікаў і падначаленых, а ёсць
сябры і прыяцелі, аб’яднаныя добрым настроем.

Дарэчы, не выключана, што менавіта пачуццё
карпаратыўнай еднасці і дапамагае нашаму АУСТ дасягаць такіх уражваючых вынікаў
у яго асноўнай дзейнасці.

Зміцер КАЛЯДА.