Першае з больш за шэсць дзясяткаў пытанняў, разгледжаных на чарговым пасяджэнні райвыканкама, якое прайшло 1 лютага пад началам старшыні Пятра Шукаловіча, гучала так: “Аб ходзе выканання плана мерапрыемстваў па барацьбе са злачыннасцю і карупцыяй у Асіповіцкім раёне на 2011 год, эфектыўнасці рэалізуемых мер па супрацьдзеянню карупцыйным праявам”. Пракурор раёна Аляксандр Канецкі пастараўся прааналізаваць яго ўсебакова, адзначыўшы як станоўчыя моманты, так і існуючыя праблемы, над якімі трэба працаваць неадкладна.
Безумоўна, мясцовай уладай, праваахоўнымі органамі, прадпрыемствамі, арганізацыямі і ўстановамі прымаліся пэўныя арганізацыйна-практычныя меры па выкананні заканадаўства, накіраванага на барацьбу з карупцыяй; прайшло 3 пасяджэнні раённай каардынацыйнай нарады па барацьбе са злачыннасцю і карупцыяй з прыняццем рашэнняў.
Летась на тэрыторыі раёна выяўлена 9 злачынстваў карупцыйнай накіраванасці (2010 год — 22), у тым ліку раскраданне шляхам злоўжывання службовым становішчам — 4 (3), атрыманні хабару — 5 (0). Iх здзейснілі 4 чалавекі — у 3 разы меней (13). У суд раёна пракуратурай накіраваны 2 крымінальныя справы ўзгаданага накірунку (7) у адносінах 2 абвінавачаных (9) па 6 фактах выяўленых злачынстваў (16). Матэрыяльныя страты па іх склалі 9.433,4 тыс. рублёў, і яны ў ходзе следства цалкам кампенсаваны.
За год па выніках 5 праверак выканання патрабаванняў антыкарупцыйнага заканадаўства ўнесена 3 прадстаўленні, прыцягнута да дысцыплінарнай адказнасці 11 чалавек.
Пасадавымі асобамі мясцовых арганізацый здзейснена 3 правапарушэнні, якія стваралі ўмовы для карупцыі, але не пацягнулі крымінальнай ці адміністрацыйнай адказнасці. На прадпрыемствах маюць месца факты парушэння заканадаўства аб захаванасці дзяржуласнасці, незаконнага і нямэтавага выкарыстоўвання бюджэтных сродкаў, непрыняцця мер па рэгрэснаму кампенсаванню нанесеных матэрыяльных страт за кошт вінаватых асоб і г.д. У дзяржорганах і арганізацыях ёсць выпадкі парушэння заканадаўства ў частцы выканання дзяржслужачымі патрабаванняў аб штогадовым дэклараванні даходаў і маёмасці, пры па-ступленні на дзяржслужбу і пры заняцці іншай дзяржаўнай пасады, а таксама па кантролю за выкананнем абмежаванняў, устаноўленых у адносінах да дзяржслужачых.
Праведзены аналіз работы дзяржорганаў па выкананні Дзяржаўнай праграмы па барацьбе са злачыннасцю і карупцыцяй на 2010-2012 гады, зацверджанай Кіраўніком дзяржавы, і аналагічнага плана мерапрыемстваў на 2011 год, зацверджанага райвыканкамам, сведчыць аб тым, што праду-гледжаныя мерапрыемствы ў цэлым выконваліся. Але карупцыя па-ранейшаму негатыўна ўплывае на грамадска-экана-мічныя працэсы.
Шэраг разгледжаных пытанняў тычыўся таксама правядзення прызначанага на 11 лютага злёту пераможцаў раённага спаборніцтва за высокія паказчыкі ў эканаміч-ным і сацыяльна-культурным развіцці Асіповіччыны ў 2011 годзе; пытанняў, звязаных з зямлёй, добраўпарадкаванасцю, маёмасцю, жыллём, нерухомасцю і іншых.