Бюро рэгістрацыі няшчасных выпадкаў — структурнае падраздзяленне УУС Магілёўскага аблвыканкама, створанае, каб дапамагаць грамадзянам даведвацца пра месца знаходжання сваіх родных і блізкіх.
Бюро працуе ў цесным узаемадзеянні з усімі РАУС, установамі аховы здароўя і іншымі структурамі, якія маюць звесткі аб прапаўшых, атрымаўшых траўмы, цяжка захварэўшых, патрапіўшых у ізалятары часовага ўтрымання альбо медвыцвярэзнікі дарослых, згубленых дзецях.
Пры звароце ў БРНВ яго супрацоўнікі аператыўна праводзяць пошукавыя мерапрыемствы і абавязкова паведамляюць аб іх выніках.
Эфектыўнасць работы бюро дастаткова высокая: толькі за 2011 год Асіповіцкім РАУС было вызначана месцазнаходжанне 12 прапаўшых землякоў, сярод якіх 3 мелі псіхічныя захворванні.
Бюро рэгістрацыі няшчасных выпадкаў працуе кругласутачна. Звязацца з ім можна па тэлефонах: 8 (0222) 44-48-50 альбо 8 (0222) 29-50-82.