Апошнім часам супрацоўнікі аддзела аховы
правапарадку і прафілактыкі РАУС удзяляюць вялікую ўвагу рабоце з састарэлымі
грамадзянамі. Прычына таму слушная: у раёне на пачатак 2012 года зарэгістравана
каля 5,6 тыс. чалавек ва ўзросце 60 і болей гадоў. I менавіта адзінокія
пенсіянеры становяцца найбольш даступным аб’ектам для здзяйснення маёмасных
злачынстваў.

З гэтай нагоды ўчастковыя інспектары наведваюць
састарэлых па месцы жыхарства і праводзяць трэнінгі па зносінах з незнаёмымі
візіцёрамі. I прымаемыя меры прафілактыкі паступова пачынаюць даваць плён.

Некаторы час назад да састарэлай жыхаркі вёскі
Брыцалавічы завітала некалькі цыганоў — прапа-ноўвалі на продаж нейкія рэчы.
Жанчына не пажадала ўступаць з “карабейнікамі” ў размову, выгнала іх з хаты і
адразу праверыла месца, дзе ляжалі яе накапленні — 13,4 млн. руб. Схованка
аказалася пустой, але бабулька не разгубілася — выскачыла на вуліцу і паклікала
на дапамогу суседзяў. Тыя дзейнічалі дружна: затрымалі зладзеяў і паведамілі аб
кра-дзяжы ў райаддзел міліцыі.

У адносінах да групы цыганоў-зламыснікаў была
ўзбуджана крымінальная справа, а скрадзеныя імі грошы вярнуліся да сваёй
пільнай гаспадыні.