Сітуацыя кантралюемая

Праблема наркаманіі тычыцца не асобнага чалавека, які апынуўся ў залежнасці, не толькі яго сям’і і асяроддзя: гэтыя асабістыя трагедыі пакідаюць адбітак на грамадстве ў цэлым

Пік нарказлачынстваў у Беларусі прыпаў на 2014 год, калі ў краіне “буялі” спайсы, — 7 139 крымінальных спраў. У 2018 го-дзе колькасць злачынстваў скарацілася да 4 906: змены ў нацыянальным заканадаўстве, прынятыя некалькі гадоў таму, у сукупнасці з практычнымі мерамі, дазволілі істотна запаволіць рост нарказлачыннасці.

Сітуацыя, якая існуе на Асіповіччыне, працягвае заставацца кантралюемай і досыць стабільнай, пра што сведчыць дынаміка зніжэння колькасці зарэгістраваных злачынстваў: за 5 месяцаў па лініі наркакантролю выяўлена 14 (з іх 13 — цяжкіх і асабліва цяжкіх), што на 38,1% ніжэй за паказчык аналагічнага перыяду 2019 года; да адміністрацыйнай адказнасці па ч. 4 арт. 17.3 КаАП краіны за з’яўленне ў грамадскім месцы ў стане, выкліканым ужываннем наркатычных сродкаў і псіхатропных рэчываў, і па арт. 16.10 за незаконныя дзеянні з некурыльнымі тытунёвымі вырабамі, прызначанымі для смактання і (або) жавання, прыцягнута па адным чалавеку.

Прафілактыкай шкодных звычак неабходна займацца з дзяцінства: супрацоўнікамі РАУС ва ўсіх навучальных установах раёна праведзены выступленні з дэманстрацыяй тэматычных відэафільмаў, падлеткам растлумачаны патрабаванні заканадаўства ў сферы незаконнага абароту наркотыкаў.

Андрэй Бабіч, намеснік начальніка РАУС па ідэалагічнай рабоце і кадравым забеспячэнні;

Ігар Каркоўскі, начальнік аддзялення наркакантролю і супрацьдзеяння гандлю людзьмі РАУС.