на гэты раз прымала не толькі дзеючых супрацоўнікаў, але і ветэранаў. А нагода была прыемная: святкавалі юбілей Iрыны Лысюк, якая не адзін дзясятак гадоў прысвяціла міліцэйскай службе і стала першай і пакуль адзінай у раёне жанчынай-міліцыянерам з пагонамі падпалкоўніка.

Шмат добрых слоў прагучала ў адрас юбіляра ад былых калег. Следчыя, начальнікі аддзелаў, ветэраны з удзячнасцю ўспаміналі пра тую пад- трымку і дапамогу, якую атрымлівалі ад Iрыны Мікалаеўны, пра яе ўрокі майстэрства. З цеплынёй распавядалі аб рабоце поруч з падпалкоўнікам старшыня ветэранскай арганізацыі Георгій Гаеўскі, намеснік начальніка РАУС Андрэй Бабіч, былы кіраўнік Міхаіл Лагуцін, другія таварышы па службе.

За яе плячыма дзясяткі расследаванняў, выездаў на месцы злачынстваў, бяссонных начэй у роздумах, імкненні дакапацца да ісціны. Але, нягледзячы на цяжкую для жанчыны службу, успаміналіся і станоўчыя, часам забаўныя эпізоды. Напрыклад, уручэнне першай настаўніцай у прафесійнай справе Надзеяй Лейберт наказу, адкрыць які можна было толькі пры атрыманні звання маёра. Успамінала юбіляр старэйшых таварышаў «па зброі», а таксама вучняў, якіх было многа. I якія і зараз удзячны гэтаму сціпламу чалавеку за навуку.