Дырэктар Асіповіцкага доследнага лясгаса Дзмітрый Варанец

Нарадзіўся ў гарадскім пасёлку Глуску. Пасля заканчэння школы атрымаў сярэднюю спецыяльную адукацыю ў Клічаўскім дзяржаўным аграрна-тэхнічным каледжы. У лясной гаспадарцы працуе з 2010 года.

Пачынаў  майстрам пагрузачна-разгрузачных работ цэха дрэваапрацоўкі дзяржаўнай лесагаспадарчай установы “Глускі лясгас”, потым займаў больш адказныя пасады, у тым ліку галоўнага інжынера і намесніка дырэктара.

У 2017 годзе скончыў Беларускі дзяржаўны тэхналагічны ўніверсітэт па спецыяльнасці “лясная гаспадарка”.

У жніўні пераведзены ў Асіповіцкі доследны лясгас на пасаду галоўнага ляснічага, 5 кастрычніка назначаны дырэктарам прадпрыемства.

Дырэктарам Магілёўскага дзяржаўнага вытворчага лесагаспадарчага аб’яднання Сяргеем Максімовічам перад новым кіраўніком  пастаўлена сур’ёзная задача: Асіповіцкі лясгас павінен унесці адпаведны свайму кадраваму і вытворчаму патэнцыялу ўклад у вырашэнне праблем, з якімі сутыкнулася лясная гаспадарка краіны.