Запрашаюцца не толькі прафесіяналы

З 6 па 11 чэрвеня ў Мінску адбудуцца Міжнародныя спецыялізаваныя выставы “БЕЛАГРА-2023”, “БЕЛФЕРМА”, “БЕЛПРАДУКТ”, “ПРОДМАШ. ХОЛОД. УПАК”.

Азнаёміцца з перадавымі напрамкамі ў развіцці раслінаводства, жывёла- і птушкагадоўлі, сучаснымі тэхналогіямі перапрацоўкі, упакоўкі і захоўвання прадукцыі, а таксама разнастайнасцю сельгастэхнікі можна будзе на новай пляцоўцы ў выставачным цэнтры Кітайска-Беларускага індустрыяльнага парку “Вялікі Камень”.

Аграрны форум традыцыйна збірае разам не толькі беларускіх аграрыяў, работнікаў харчовай ды перапрацоўчай прамысловасцей, але і іх замежных партнёраў. У сёлетняй выставе прымуць удзел 450 кампаній з Беларусі, Расіі, Кітая, Пакістана, Турцыі, В’етнама, Германіі, Італіі, Індыі і іншых краін.

Калектыўныя экспазіцыі сфарміравалі Міністэрства сельскай гаспадаркі і харчавання краіны, Міністэрства прамысловасці, Нацыянальная акадэмія навук, канцэрн “Белдзяржхарчпрам”, Белкаапсаюз, усе вобласці рэспублікі. Асобнымі экспазіцыйнымі блокамі будуць прадстаўлены прадпрыемствы 14 рэгіёнаў Ра-сійскай Федэрацыі.

Агульная плошча выставы складзе больш за 28,5 тыс. м2. Маляўнічае афармленне экспазі-цый, прэзентацыі і дэгустацыі харчовай прадукцыі, “горад майстроў”, кірмаш-продаж і выступленні творчых калектываў зробяць выставу яркім, запамінальным святам для ўсіх наведвальнікаў.

Па матэрыялах ЗАТ “Мінэкспа”.