З 31 кастрычніка па 4 лістапада ў раёне праходзіў тыдзень па добраўпарадкаванні і навядзенні парадку

Уборка тэрыторыі ад смецця, сухіх галін, апаўшых лістоў, высечка кустоўя, санітарная ачыстка вуліц і тратуараў, стаянак аўтатранспарту праводзіліся ў гэтыя дні шматлікімі працоўнымі калектывамі, а таксама прадстаўнікамі грамадскіх арганізацый, палітычных партый і проста неабыякавымі землякамі.

Не засталіся па-за ўвагай помнікі і месцы пахаванняў удзельнікаў Вялікай Айчыннай вайны. У гэты перыяд атрымалі дапамогу ў навядзенні парадку на сваіх сядзібах ад валанцёраў і членаў маладзёжнай суполкі адзінока пражываючыя пажылыя грамадзяне.

Аб ходзе маштабнай уборкі на працягу тыдня з дапамогай фотаматэрыялаў падрабязна расказваў тэлеграм-канал “АК”, а зараз час падвесці вынікі. Усяго прыняло ўдзел у грамадскай справе больш за 120 арганізацый, каля 6,5 тысяч жыхароў раёна. Убрана больш за 50 гектараў тэрыторый, высаджана каля дзвюх тысяч дрэў.