З 21 сакавіка па 12 красавіка асіпаўчане могуць прыняць удзел у грамадскай акцыі “Дай лесу новае жыццё”

Мерапрыемства, накіраванае на аднаўленне лясоў, адбудзецца ўжо другі раз: восенню мінулага года старт ініцыятыве Міністэрства лясной гаспадаркі даў Прэзідэнт краіны Аляксандр Лукашэнка. Сёлета акцыя прымеркавана да Года добраўпарадкавання і 80-годдзя Перамогі ў Вялікай Айчыннай вайне.

Як паведамілі ў Асіповіцкім доследным лясгасе, падчас акцыі запланавана высаджваць каля 6 000 саджанцаў на адзін гектар. У асноўным гэта будуць іглічныя пароды: елка з закрытай і хвоя з адкрытай каранёвай сістэмай. Усе саджанцы вырашчаны ў гадавальніку Асіповіцкага доследнага лясгаса.

Жадаеце зрабіць свой унёсак у аднаўленне роднай прыроды? Тэлефануйце на нумар 51-807.