Адказвае ўчастковы інспектар міліцыі

— Як супрацьстаяць хатняму гвалту?

Ганна С.

Лейтэнант міліцыі Яраслаў Туміловіч:

— У выпадку здзяйснення ў дачыненні да вас такіх дзеянняў неабходна звярнуцца на лінію 102 або да ўчастковага інспектара міліцыі.

Ахоўнае прадпісанне (устанаўленне часовых забарон на здзяйсненне пэўных дзеянняў і абавязкаў для абароны жыцця і здароўя пацярпелага) можа прымяняцца да грамадзяніна, які здзейсніў хатні гвалт і ў дачыненні да якога ў сувязі з гэтым ідзе падрыхтоўка да разгляду справы аб адміністрацыйным правапарушэнні аб наўмысным прычыненні цялеснага пашкоджання і іншых гвалтоўных дзеяннях альбо аб парушэнні ахоўнага прадпісання; праводзіцца праверка ў адпаведнасці з патрабаваннямі крымінальна-працэсуальнага заканадаўства альбо ўзбуджана крымінальная справа аб злачынстве супраць жыцця і здароўя, палавой недатыкальнасці або палавой свабоды, або асабістых свабоды, гонару і годнасці. Ахоўным прадпісаннем можа быць забаронена прадпрымаць спробы высвятляць месца знаходжання пацярпелага ад хатняга гвалту; наведваць месцы знаходжання пацярпелага, калі ён часова знаходзіцца па-за сумеснага месца жыхарства; кантактаваць з пацярпелым, у тым ліку па тэлефоне ці з выкарыстаннем інтэрнэту; распараджацца агульнай сумеснай з пацярпелым ад хатняга гвалту ўласнасцю; можа быць устаноўлены абавязак часова пакінуць агульнае з пацярпелым ад хатняга гвалту жылое памяшканне.