Вясёлымі ўсмешкамі, дружным карагодам стартавала ўчора на Асіповіччыне рэспубліканская дабрачынная акцыя “Нашы дзеці”, якая працягнецца па 15 студзеня 2025 года
Акцыя “Нашы дзеці” праводзіцца пад патранатам Прэзідэнта краіны ўжо амаль тры дзясяткі гадоў. І заўсёды маштабна. Напрыклад, летась яе мерапрыемствамі было ахоплена больш за мільён хлопчыкаў і дзяўчынак, каля 6,5 мільёна рублёў былі накіраваны на аказанне матэрыяльнай дапамогі, набыццё неабходнага абсталявання і падарункаў для ўстаноў адукацыі і сямей, якія выхоўваюць дзяцей.
“Навагодні настрой” — так называлася ўрачыстая праграма, якую падрыхтавалі выхаванцы раённага цэнтра творчасці дзяцей і моладзі разам з педагогамі, да іх далучыліся і вучні дзіцячай школы мастацтваў № 1. Харэа-графічныя пастаноўкі, танцы, гульні, песні, загадванне жаданняў пад чароўным посахам Дзеда Мароза — шмат было цікавага і запамінальнага.
Прымала ўдзел у гэтым глыбокім па сваёй сутнасці мерапрыемстве і кіраўніцтва раёна. Старшыня райвыканкама Андрэй Дубінчык выказаў пажаданне, каб 2025 год аказаўся паспяховым для кожнага, усё запланаванае рэалізаваліся, а спагадлівыя сэрцы землякоў зрабілі свята шчаслівым для ўсіх, асабліва для тых сямей і дзяцей, якім зараз патрэбна падтрымка.
І калі дзеці чакаюць цудаў, то дарослыя ўмеюць іх ажыццяўляць. Арганізацыі і прадпрыемствы Асіповіччыны з задавальненнем далучацца да добрых спраў у рамках акцыі “Нашы дзеці”. Заўсёды варта верыць у цуды і сілу дабрыні!
Больше фото в нашем телеграм-канале
