Сацабслугоўванне

На мінулым тыдні на базе раённага цэнтра сацыяльнага абслугоўвання насельніцтва адбыўся семінар “Удасканальванне міжведамаснага ўзаемадзеяння па аказанні дапамогі грамадзянам, якія пакутуюць ад хатняга гвалту”, у якім прынялі ўдзел работнікі сацыяльнай службы, аддзела па адукацыі райвыканкама, РАУС, ЦРБ.

Разглядаліся прававыя аспекты гвалту ў сям’і, пытанні аказання дапамогі ахвярам, статыстыка злачынстваў і правапарушэнняў у сферы сямейна-бытавых адносін, алгарытм дзейнасці спецыялістаў устаноў адукацыі ў выпадку выяўлення фактаў супрацьпраўных дзеянняў бацькоў ці асоб, якія з імі пражываюць, у адносінах да дзяцей, і што рабіць, калі пагражаюць медыцынскаму работніку.

Папярэдзіць многія правапарушэнні і злачынствы, асабліва бытавыя, можна толькі сумеснымі намаганнямі ўсіх службаў і грамадскасці. Галоўнае ў гэтай справе — не праяўляць абыякавасць і маладушша.