З нядаўняга часу інтэрнэт ахапіла сапраўдная эпідэмія «вязаных» гарадоў — незвычайных малюнкаў, дзе знаёмыя вуліцы і будынкі ператвараюцца ў мяккія, цацачныя мініяцюры з пражы.

Натхнёныя эстэтыкай хэнд­мэйд, аўтары выкарыстоўваюць нейрасеткі і відэагенератары для стварэння рэалістыч­ных ілюзій: усё ў кадры — ад дамоў да аўтамабіляў і людзей — выглядае звязаным буйной пражай, а воблакі — як мяккія пухнатыя клубкі. Аўтары і карыстальнікі сацсетак адзначаюць: падобныя ролікі і выявы валодаюць антыстрэс-эфектам, вяртаюць да адчуванняў утульнасці, дзяцінства і пяшчоты.

Рэдакцыя раёнкі паспрабавала «звязаць» свае Асіповічы. Дзелімся вынікам з чытачамі.