УКП ЖКГ заўсёды працуе ў рэжіме многазадачнасці. Сумясціць іх усе, выканаць запланаванае ва ўстаноўленыя тэрміны, максімальна задзейнічаць уласны патэнцыял і падключыўшы, калі трэба, сумежныя арганізацыі — асноўная мэта прадпрыемства.

Аналізуючы вынікі мінулага года, можна адзначыць, што ганарыцца ёсць чым.

Выручка ад рэалізацыі паслуг склала 26 825 тысяч рублёў, тэмп росту — 118% да мінулага года. Выканана работ па капітальным рамонце жылфонду на 1 983,378 тыс. руб., тэмп росту склаў 175%; па бягучым рамонце — на 1 156,881 тыс. руб., тэмп росту 146%.

За 2024 год было адрамантавана даху 7 733 м2, стыкаў — 8 320 паг. м. Афарбаваны экраны балконаў корпуса 3 дома 49 на вуліцы Сумчанкі, адрамантаваны і афарбаваны фасад дома 27 на вуліцы Лясной. Праведзены бягучы рамонт першага паверха інтэрната на вуліцы Сумчанкі, 38. На працягу года заменена 12 цяплолічыльнікаў у дамах 59 і 65 на вуліцы Сумчанкі, дома 19 на 60 гадоў Кастрычніка і іншых. Камунальнікі ажыццявілі капітальны рамонт дамоў 50 і 52 на вуліцы Чарняхоўскага,  20 на вуліцы Пасёлак Савецкі, 31 на Сацыялістычнай, а таксама некалькіх дамоў на вуліцы Газавікоў у аграгарадку Лапічы і Цэнтральнай у Сасновым.

На вуліцах Крыловіча ў райцэнтры, гарадскім парку і вуліцы Армейскай у Лапічах устаноўлены новыя гульнявыя комплексы, вуліцы Леніна ў рабочым пасёлку Ялізава і Сташкевіча ў горадзе — спартыўныя комплексы.

Шмат увагі надзялялася і абнаўленню тратуараў: капітальна адрамантавана 945 м2 на вуліцы Каралёва і 2 320 м2 на Кастрычніцкай, таксама па горадзе правялі бягучы рамонт на 84 701 м2, капітальны — на 7 239 м2, ямачны — на 7 576 м2.

Летась адбылася мадэрнізацыя дзвюх кацельняў: у Сасновым пераведзена на работу ў аўтаматычным рэжыме, устаноўлены два сучасныя катлы, якія працуюць на газу; у Ручаі кацельня зараз працуе на пялетах, устаноўлена новае абсталяванне, яно дазволіла павысіць эфектыўнасць работы, і ў школе, якую абагравае кацельня, цяпер стала значна цяплей. Праведзены работы і ў гарадской кацельні   № 1. Таксама было заменена на папярэднеізаляваныя трубы 4,2 км цепласетак.

У бягучым годзе адбудзецца мадэрнізацыя кацельні ў Дрычыне.

Зроблена шмат, усяго і не пералічыш. Але дзейнасць прадпрыемства — гэта не толькі эканамічныя паказчыкі. Важным напрамкам з’яўляецца ідэалагічная работа з калектывам, і яна ў камунальнікаў на дастойным узроўні.

У гадавы план уключаны інфармацыйна-прапагандысцкая работа, правядзенне мерапрыемстваў, прысвечаных дзяржаўным, агульнарэспубліканскім і прафесійным святам, юбілейным датам, культурна-масавыя і аздараўленчыя мерапрыемствы, работа з маладымі спецыялістамі. Дарэчы, моладзь заўсёды ў полі ўвагі кіраўніцтва, якое стараецца маладую энергію накіраваць у карыснае рэчышча, уцягнуць дзяўчат і хлопцаў у культурна-масавую работу, далучыць да спартыўных мерапрыемстваў, нацэліць на здаровы лад жыцця. На прадпрыемстве існуе сістэма настаўніцтва, што дазваляе кваліфікаваным спецыялістам перадаваць назапашаны вопыт моладзі.

А яшчэ камунальнікі ахвотна займаюцца грамадскай работай. Напрыклад, на прадпрыемстве створана і актыўна дзейнічае добраахвотная дружына ў складзе Аксаны Паповай, Пятра Гардзіенкі, Вольгі Кавальчук і Кацярыны Жогаль. Гэта дружная каманда па графіку патруліруе горад і дапамагае міліцыі сачыць за парадкам. І робіць гэта вельмі паспяхова!