ААТ “ВязаўніцаАгра” ўбрала ўжо 260 га з 2 370 пасаджаных. ААТ “Авангард-Ніва” на другім месцы па ўбранай плошчы кукурузы — у гаспадарцы скошана 200 з 1 051 га. У ААТ “ЖорнаўкаАГРА” з 1 700 га кукурузы 150 аграрыі ўжо ўбралі. Прыступілі да нарыхтоўкі сіласу і работнікі ААТ “Асіповічыаграпрамтэхзабеспячэнне”. Сёлета імі вырашчана кукуруза на плошчы 900 га, 80 з якіх ужо скошана.

Таксама сельгаспрадпрыемствы ўзворваюць і рыхтуюць глебу пад сяўбу азімых ячменю, жыта, пшаніцы, трыцікале. Уносяцца неабходныя ўгнаенні, вядзецца вапнаванне. Пачынаецца сяўба. Адпачываць аграрыям рана: ім трэба набрацца цярпення і адсеяцца ў тэрміны, пакуль дазваляе надвор’е. Шматгадовы вопыт даказвае, што лепшы ўраджай на нашых землях можна ўзяць менавіта з азімых культур.