У мінулую пятніцу прыём грамадзян правёў намеснік міністра працы i сацыяльнай абароны Рэспублікі Беларусь Iгap Старавойтаў
Сярод зваротаў, з якімі прыйшлі да яго землякі, варта адзначыць два.
Першы з катэгорыі досыць распаўсюджаных: работнік звольніўся, аднак ніяк не можа атрымаць ад работадаўцы працоўную кніжку. За ўзгаданае парушэнне працоўнага заканадаўства наймальнікаў штрафуюць, а калі такая мера не дапамагае, прадугледжваецца зварот работніка ў суд. Разгляд працоўных спрэчак у судовым парадку праводзіцца бясплатна, так што гэты шлях абароны сваіх правоў даступны кожнаму.
Другі зварот хутчэй можна лічыць кур’ёзам: жанчына даглядала інваліда I групы i атрымлівала за гэта належныя грошы як сацыяльны работнік. Адначасова яна працавала па дагаворы падраду на адным з прадпрыемстваў, аб чым не паведаміла ў сацыяльную службу. Калі надышоў час ісці на пенсію, гэты факт быў выяўлены i стаў нагодай для пераразліку атрыманых з дзяржбюджэту сродкаў, бо, калі чалавек працуе на іншай рабоце, дапамога па доглядзе яму не налічваецца. Паколькі правілы ў дадзеным выпадку парушаліся досыць доўгі час, вяртаць дзяржаве давядзецца значную суму. Пры ўладкаванні на пасаду сацыяльнага работніка аб азначаным абмежаванні папярэджваюць пад pocпіc, таму падобныя парушэнні працоўнага заканадаўства адбываюцца вельмі рэдка.
