Сёння ветэраны вайны прымалі віншаванні з надыходзячым Днём Перамогі ад старшыні раённага Савета дэпутатаў Сяргея Сувеева, начальніка ўпраўлення па працы, занятасці і сацыяльнай абароне райвыканкама Алены Старавойтавай, дырэктара раённага Цэнтра сацыяльнага абслугоўвання насельніцтва Ірыны Вірмаўскэне.

Хлебазавод, філіял “Асіповіцкі” ААТ “Бабушкина крынка” «Еўрагандаль», Фонд міру падрыхтавалі для ветэранаў падарункі.

Жыхары і госці вёскі Слабада сёння здзіўлена прыпыняліся, пачуўшы гукі аркестра на вясковай вуліцы. Каля дома ўдзельніка Вялікай Айчыннай вайны Уладзіміра Кабылянца сабраліся ганаровыя госці, а таксама прадстаўнікі мясцовай улады, сельгаспрадпрыемства, вучні Свіслацкай школы.

Іграў ваенны духавы аркестр, а ветэран успамінаў вясну 1945-га, калі ўвесь народ сустракаў Дзень Перамогі.