Сярод мноства прафесій выпускніца Свіслацкай сярэдняй школы Дзіяна Ярашэнка выбрала рамяство швачкі і цырульніка. Менавіта імі яна зараз авалодвае ў Асіповіцкім дзяржаўным каледжы

Сярод мноства прафесій выпускніца Свіслацкай сярэдняй школы Дзіяна Ярашэнка выбрала рамяство швачкі і цырульніка. Менавіта імі яна зараз авалодвае ў Асіповіцкім дзяржаўным каледжы

Дзяўчыне падабаецца ствараць сваімі рукамі пасцельную і сталовую бялізну, спецадзенне,   асвойваць разнастайныя аперацыі і нават рамантаваць швейную машыну.

Атрымаўшы базавыя навыкі, дзяўчаты могуць затым навучыцца шыць прадметы ўласнага гардэробу, што спатрэбіцца ў жыцці. Майстар каледжа Рыма Хількевіч адзначае, што Дзіяна старанна авалодвае тэхналогіяй швейнай вытворчасці, нават прымала ўдзел у правядзенні майстар-класаў, якія навучэнцы давалі выпускнікам школ раёна.

Дзяўчына ўжо на трэцім курсе, у лютым адправіцца на вытворчую практыку, а там і да дыплома адзін крок. Юныя швачкі атрымоўваюць размеркаванне па ўсёй краіне: швейныя фабрыкі “Элема”, “Калінка”, “Купалінка”, “Марк Фармэль” ахвотна прымаюць выпускніц каледжа. Але Дзіяна не спяшаецца развітвацца са сваёй установай адукацыі, бо навучанне тут праходзіць цікава, а яшчэ і грамадскае жыццё даволі насычанае. Дзяўчына ўваходзіць у БРСМ, усё лета працавала ў складзе студэнцкага атрада ў аздараўленчым лагеры “Родник”, нават з’яўлялася яго камандзірам. Займаецца і валанцёрскай дзейнасцю, напрыклад у час прыпынку на станцыі Асіповічы ўнікальнага перасоўнага музея “Цягнік Перамогі” дапамагала праводзіць экскурсіі.