За гэты час мужчына атрымаў сумежную прафесію — рэзчык на пілах, нажоўках і станках. Як вынікае з назвы прафесіі, Вячаслаў займаецца рэзкай металу. Відавочна, што такі від работ — справа даволі небяспечная: шмат вострых паверхняў, металічныя стружкі, дэталі станкоў, якія рухаюцца.

Рызыка падвойваецца, калі даводзіцца працаваць з габарытнымі дэталямі. Слесар нясе поўную адказнасць за ўскладзеныя на яго задачы, павінен сачыць за спраўнасцю прылад і якасцю прадукцыі, бо брак у падобнай дзейнасці — гэта персанальная адказнасць, таму да такой працы не дапускаюцца людзі без належнай кваліфікацыі. На прадпрыемстве задача вырашаецца проста: усе жадаючыя могуць набыць новую спецыяльнасць без адрыву ад вытворчасці.