Шлях да меддапамогі з… перашкодамі

Дарога, якая вядзе да бальніцы сястрынскага догляду ў Дараганаве, мае даволі спецыфічны выгляд.

Кавалкі асфальтавага па-крыцця тут былі зняты пры правядзенні рамонтных работ на падземных камунікацыях, але ўзнаўленне нешта зацягнулася. Па словах мясцовых жыхароў, гэтыя «дзіркі» існуюць ужо некалькі гадоў. Напэўна, на тое ёсць нейкія аб’ектыўныя прычыны, але ж роўнасць дарогі каля важнага сацыяльнага аб’екта — галоўнай установы аховы здароўя цэлага сельсавета — аб’ектыўная неабходнасць. Цяжка хворым, рухома-абмежаваным пацыентам сталага веку кожны крок даецца з цяжкасцю, а тут яшчэ штучна створаныя пера-шкоды ў дадатак…

Спадзяёмся, што УКП ЖКГ, якое праводзіла ўзгаданы рамонт, з гэтым пагадзіцца.