“Пізанскі” ліхтар

Лаўкі, альтанкі ды ліхтары — звыклыя прадметы гарадскога асяроддзя, на якія мясцовыя жыхары ды пастаянныя прахожыя ўжо і ўвагі не звяртаюць.

Але толькі не на ліхтар, які стаіць каля трэцяга корпуса дома 49 на вуліцы Сумчанкі, непадалёк ад шахматна-шашачнага клуба “Дэбют” і магазіна Wildberries.

Ён павінен асвятляць навакольную тэрыторыю, аднак сваю асноўную функцыю выконваць зараз не можа, бо плафонаў на ім няма, а апора пахілілася долу і выглядае нібы знакамітая Пізанская вежа. Ды толькі наўрад ці пашкоджаны ліхтар у людным месцы станоўча ўплывае на турыстычную прывабнасць нашага горада.

Хто паспрыяў такому і якія меры збіраюцца прадпрыняць камунальнікі? Гэта пытанне газета адрасуе УКП ЖКГ.