У снежні яна прайшла даволі вынікова. А дапамаглі ў гэтым і аддзяленні сувязі, і паштальёны, і грамадскія распаўсюджвальнікі. А каб справа ішла больш ахвотна, рэдакцыяй быў аб’яўлены конкурс на лепшага арганізатара падпіскі.

Найбольш актыўна спрацавала гарадское аддзяленне сувязі №4: калі па стане на 1 студзеня 2022 года тут было аформлена 334 абанементы на “АК”, то на сёлетнюю адпаведную дату — 391. Значна палепшылі вынік і паштавікі з Ялізава, павялічыўшы колькасць раённай газеты з 42 экзэмпляраў да 65.

Сапраўдным рэкардсменам у асабістым заліку стала паштальён гарадскога аддзялення сувязі №3 Ніна Клімовіч: колькасць аформленых ёю абанементаў вырасла амаль удвая — з 75 да 147.

Сярод грамадскіх распаўсюджвальнікаў, якія працуюць на прадпрыемствах і ў арганізацыях горада, вызначылася Кацярына Жогаль з УКП ЖКГ, ёй належыць першынство за 96 падпісак на “АК”. А другое месца ў Ніны Фядзькіў з завода жалезабетонных канструкцый, якая аформіла 93 экзэмпляры.

Таксама атрымала заахвочванне ад рэдакцыі інструктар-інспектар па падпісцы Асіповіцкага ўчастка паштовай сувязі Анжаліка Чыкілеўская.

Днямі ўсім гэтым працаўнікам былі ўручаны падзякі ад рэдакцыі раённай газеты. Спадзяёмся і на далейшае плённае супрацоўніцтва!