— Перыядычна чую, як сусед па лесвічнай пляцоўцы лаецца са сваёй жонкай. Сёння ў чарговы раз убачыла яе на вуліцы з сінякамі на руках. Якія можна прыняць меры да суседа?

Ганна С.

Старшы лейтэнант міліцыі Генадзь Дастанка:

— Аб такіх фактах трэба паведамляць на лінію 102 або ўчастковаму інспектару. Супрацоўнікі міліцыі прыедуць да месца жыхарства мужчыны; у выпадку пацвярджэння факта сямейнага гвалту і наяўнасці заявы пацярпелага боку ў дачыненні да правапарушальніка будзе складзены адміністрацыйны пратакол па частцы 2 артыкула 10.1 КаАП краіны. Калі ж заявы ад збітай жонкі не паступіць, участковы інспектар падрыхтуе хадайніцтва ў пракуратуру раёна для прыцягнення мужчыны да адказнасці. Таксама будзе разгледжана пытанне аб наяўнасці ў дзеяннях мужа прыкмет па артыкуле 154 Крымінальнага кодэкса “Катаванне” — у такім выпадку можа быць распачата крымінальная справа.