Новы год — свята, якое заўсёды натхняе. Некаторых — зрабіць генеральную ўборку ў доме, іншых — на пэўныя ўчынкі. А вось асіпаўчанцы Таццяне Аляшкевіч некалькі гадоў таму пад Новы год прыйшла думка зрабіць свайго Дзеда Мароза

Новы год — свята, якое заўсёды натхняе. Некаторых — зрабіць генеральную ўборку ў доме, іншых — на пэўныя ўчынкі. А вось асіпаўчанцы Таццяне Аляшкевіч некалькі гадоў таму пад Новы год прыйшла думка зрабіць свайго Дзеда Мароза

Для выкладчыка гісторыі і грамадазнаўства, а працуе Таццяна Аляксандраўна ў Асіповіцкім дзяржаўным каледжы, такі крэатыўны парыў для самой быў крыху нечаканым, аднак прывабным. Так усё і распачалося. Да “вытворчасці” лялек з задавальненнем далучылася і матуля Святлана Міхайлаўна.

— Пасля Мароза Іванавіча шмат было яшчэ розных вырабаў. Навагодніх гномаў, якія ажыццяўляюць самыя запаветныя мары, ужо некалькі. З імпэтам ствараюцца лялькі ў касцюмах людзей розных прафесій. Напрыклад, ужо зрабілі работніка запраўкі, паштальёна і нават зваршчыка — ён быў патрэбен, каб дэманстраваць прафесіі каледжа на фэсце ў Александрыі. Ёсць і бабулька ў беларускім уборы, вельмі прыгожая. Яна таксама часцей выкарыстоўваецца як ілюстрацыйна-дэкаратыўная. Многія рукатворы засталіся толькі на фотаздымках, бо мы іх раздаём з рознай нагоды родным, блізкім, сябрам. Гэта шчыры падарунак, свайго роду абярэг. З задавальненнем паказваю вырабы сваім навучэнцам у якасці прыкладу, якім чынам можна траціць вольны час, каб гэта было цікава і з карысцю.

Як падзялілася суразмоўца, працэс вытворчасці сувенірных лялек даволі захапляльны. Самае складанае — вырабіць тварык. Звычайна гэта абцягнуты капронам ватны шарык, які з дапамогай ніткі і іголкі набывае патрэбныя рысы. Што здзіўляе: нават калі кожны раз робіш адно і тое ж дзеянне, аблічча атрымліваецца розным. Крыху мацней зацягнуў нітку — і вось ужо з’явілася ўсмешка, не такая, як у іншых. Падабраў патрэбныя вочкі — і казачны герой “ажыў”. Так як лялькі маюць вышыню больш за паўметра, дастаткова складаным аказалася забяспечваць іх устойлівасць. Навагодні гном не павінен паваліцца ў самую адказную хвіліну! Тут ужо сакрэт у абутку, які вырабляецца са звычайнага будаўнічага раствору — ён заліваецца ў падрыхтаваныя формы. На адзенне пераважна ідуць рэчы добрай якасці, але выйшаўшыя з ужытку з уласнага гардэроба. Карацей, усялякіх нюансаў вельмі шмат. У многім дапамагаюць майстар-класы з інтэрнэта, плюс уласны густ і мастацкае пачуццё.

Рабіць сувеніры — справа прыемная, мяркуе Таццяна Аляксандраўна. Асабліва калі першапачаткова ведаеш, каму ён будзе належаць. Тады можна больш дакладна ўгадаць характар! А найлепшы стымул — радасць і захапленне ў вачах ад такіх эксклюзіўных падарункаў.

Последние новости

Общество

В Могилевской области стартовал республиканский семинар-совещание

29 июля 2025
Читать новость
Власть

Лукашенко: Беларусь очень хочет активизировать сотрудничество с Эфиопией

29 июля 2025
Читать новость
Афиша

Что посмотреть на неделе в Осиповичах? Афиша кинотеатра «Родина»

29 июля 2025
Читать новость
Общество

И вновь турслет! Спартакиада работающей молодежи Осиповичского района прошла 25-26 июля

29 июля 2025
Читать новость
Общество

“Знакомый мужчина при выгуле на улице бьет свою собаку. Как это остановить?” Отвечает участковый инспектор милиции

29 июля 2025
Читать новость
Общество

Хроника происшествий в Осиповичском районе с 21 по 17 июля

29 июля 2025
Читать новость

Рекомендуем