Напярэдадні Дня Незалежнасці мясцовы парк школьных аўтобусаў папоўніўся трыма новымі МАЗ-257S40

Мадэлі з адпаведнай пазнакай “Дзеці” разлічаны на 31 пасажыра. Усе крэслы, у адрозненне ад звычайных аўтобусаў, забяспечаны рамянямі бяспекі.

Акрамя таго, у салоне ўстаноўлена электронная сістэма пажаратушэння, відэарэгістрацыя, а таксама сістэмы антыблакіроўкі тармажэння і аўтаматычнай рэгуліроўкі слізгання ABS і ASR, што значна павышае бяспеку руху транспартнага сродку ў складаных дарожных умовах.

— Магчымасць атрымаць новую тэхніку прадставілася ў адпаведнасці з дагаворамі фінансавай арэнды (лізінгу), заключанымі паміж галоўным упраўленнем па адукацыі Магілёўскага аблвыканкама і ААТ “Прамагралізінг”. Пакуль не магу сказаць, да якіх школ будуць прыпісаны новыя аўтобусы, гэта стане вядома бліжэй да навучальнага года, калі будзе пралічана лагістыка маршрутаў, — падзяліўся тэхнік Міжгаліновага цэнтра па забеспячэнні дзейнасці бюджэтных арганізацый Асіпо-віцкага раёна Дзяніс Шкут. — Перакананы, што тэхніка якасная і праслужыць нямала гадоў, а юным пасажырам ездзіць за новымі ведамі ў школу будзе камфортна і бяспечна.