Напачатку тыдня ў Магілёўскім абласным краязнаўчым музеі імя Еўдакіма Раманава адкрылася фотавыстава “Зімовыя забавы”.

Тэма прадстаўленых у экспазіцыі работ — Новы год, Каляды, адпачынак, разнастайныя прыгоды і незвычайныя моманты, якія могуць адбывацца выключна ў зімні перыяд. Выставачны праект адметны яшчэ і тым, што ён ахоплівае перыяд з пачатку 60-х гадоў мінулага стагоддзя да сёлетняй зімы.

Да ўдзелу ў “Зімовых забавах” запрошана дзесяць майстроў святлапісу, якія прадстаўляюць тры творчыя суполкі: Беларускае грамадскае аб’яднанне фатографаў (Мінская вобласць), клуб “Вясёлка” (Магілёў) і народны фотаклуб “Раніца” (Асіповічы).

Знаёмім чытачоў з некаторымі работамі асіпаўчанак Алены Ерашэвіч і Наталлі Жмуранковай, якія былі прадстаўлены на конкурсны адбор.