Візіт пачаўся з відовішчнай святочнай праграмы. Маленькія гледачы ўважліва сачылі за гісторыяй сімвалаў наступаючага года — Ката і Труса, якія пасварыліся, разам з елачнымі цацкамі, снегавікамі і казачнымі птушкамі шукалі ключык да Горада жаданняў, спявалі песні, весела танчылі, глядзелі на зладжанае ўзаемадзеянне кінолагаў з іх сабакамі, а пасля запальвалі разам з Дзедам Марозам і Снягуркай агні на прыгожай ёлцы. Апагеем мерапрыемства стала ўручэнне падарункаў установе і выхаванцам.

Наведванне школы супрацоўнікамі Дэпартамента аховы ў межах рэспубліканскай дабрачыннай акцыі “Нашы дзеці” стала добрай традыцыяй, — адзначыў Аляксандр Шэпелеў у размове з прадстаўнікамі СМІ. — Гэта ўжо нашы дзеці, таму што разам з імі пражываем увесь навучальны год, разам з імі выздараўліваем. Сёння мы прыехалі, каб падарыць салодкія падарункі, парадаваць неверагодна цікавым ранішнікам, шчыра пажадаць самага галоўнага — крэпкага здароўя, мірнага неба, больш яркіх момантаў, якія запомняцца на доўгія гады. Лічу, што ў артыстаў атрымалася падзяліцца навагоднім цяплом як з малымі, так і з дарослымі.