Запланаванае выконваецца

Лета — традыцыйная пара рамонтаў. У тым ліку і тэрыторый агульнага карыстання. Зараз работы па добраўпарадкаванні вядуцца ў некаторых дварах. Напрыклад, на Савецкім пасёлку каля дома 20 усталёўваецца сучасная дзіцячая пляцоўка. Устаноўлены гульнявы комплекс, яго дапоўняць пясочніца, лаўкі, агароджа. Яшчэ адна новая спартыўная пляцоўка ўзводзіцца каля аптэкі № 109.

Працягваецца прывядзенне ў належны стан дваравой тэрыторыі каля дома № 57А на вуліцы Сумчанкі. Усталёўваюцца тратуарныя дарожкі, бардзюры, укладваецца новы асфальт.

Завяршаецца будаўніцтва вуліцы Яснай. Скончаны бягучы рамонт праезнай часткі вуліц Патоцкага, Сацыялістычнай, Сташкевіча, прыведзена ў парадак вуліца Чумакова, адбылася рэканструкцыя тратуарнай дарожкі ў пасёлку Савецкім. Праведзены запланаваныя работы на вуліцах Інтэрнацыянальнай, Кароткай, Ленінскай у горадзе, а таксама вуліцы Усходняй у Цэлі.