На мінулым тыдні стаматалагічная паліклініка адзначыла 40-годдзе з дня заснавання
На мінулым тыдні стаматалагічная паліклініка адзначыла 40-годдзе з дня заснавання
Да 1983 года зубныя ўрачы аказвалі медыцынскую дапамогу насельніцтву ў раённай паліклініцы і былі вельмі задаволены, калі адасобіліся, бо атрыманая плошча дазволіла зручна размясціць усе кабінеты і пашырыць спектр аказваемых паслуг.
Сёння стаматалагічная паліклініка — гэта сучасная медыцынская ўстанова, дзе працуе калектыў прафесіяналаў. Павіншаваў работнікаў першы намеснік старшыні райвыканкама Сяргей Ананіч.
Ён уручыў прывітальны адрас Зінаідзе Цімашэнка, якая працуе ў паліклініцы з моманту яе адкрыцця і шмат гадоў яе ўзначальвае. Ганаровыя граматы ЦРБ атрымалі стаматолаг-хірург Вольга Бурчыц, зубны фельчар Алена Ананьева і медсястра Ірына Еўдакімчык, якая таксама працуе ва ўстанове з яе заснавання.
Стаматолагі Асіповіччыны пачулі ў гэты дзень шмат цёплых слоў ад кіраўніцтва цэнтральнай раённай бальніцы, калег і ўдзячных пацыентаў.
