Восем гадоў асіпаўчанін Міхаіл Куд­равец працуе арматуршчыкам у цэху зборнага жалезабетону філіяла «Асіповіцкі завод жалезабетонных канструкцый» ААТ «Дарбудмантажтрэст».

— Арматуршчык — важнае звяно ў вытворчасці дадзеных жалезабетонных канструкцый, — тлумачыць Міхаіл. — На лініі па вытворчасці шпал, дзе я працую, выпускаецца да 750 адзінак у дзень. Гэта жалезабетонныя шпалы каляіны 1 520 і 1 435 міліметраў. У мае абавязкі ўваходзіць фарміраванне клінапакетаў па 44 або 48 дратоў даўжынёй 14 метраў для далейшага нацягвання на дамкраце, абслугоўванне выцяжнога канвеера клінапакетаў, бухтатрымацеля, часам займаюся перамоткай дроту з вялікіх бухт на шпулькі бухтатрымацеля. Нягледзячы на ўсю складанасць і адказнасць, ганаруся сваёй працай.

Ганна Сабела