Майстар-клас, прысвечаны велікоднаму святу, прайшоў для работнікаў ААТ “АЗАА” і іх дзяцей у інтэрнаце прадпрыемства

Разам з загадчыкам клуба “Факел” Таццянай Салімон прысутныя ўспомнілі вытокі традыцыі фарбавання яек, а спецыяліст па рабоце з моладдзю аддзела кадраў і тэхнічнага навучання завода Вольга Маісеева расказала пра незвычайныя спосабы ўпрыгожвання велікоднага сімвала.

Некаторыя з іх і паспрабавалі падчас майстар-класа. Хлопчыкі і дзяўчынкі ад трох да 12 гадоў з цікавасцю фарбавалі яйкі ў куркуме, размалёўвалі рознымі колерамі, спрабавалі тэхніку дэкупажу.

— Акрамя захавання і перадачы маладому пакаленню рэлігійных традыцый, асноўная мэта мерапрыемства — з’яднанне сямей, папулярызацыя каштоўнасці сумеснага правядзення вольнага часу бацькоў і дзяцей, — адзначае Вольга Маісеева. —    І, трэба сказаць, мы яе дасягнулі. Ад рабят, мам і тат пачулі шмат запытаў на новыя, не менш цікавыя майстар-класы.